Bli med på ungdomen si kulturutveksling
Vil du reise til USA i 2024? Søknadsfrist 15. januar 2023
Ungdommen sitt kommunestyre (UK) i Luster har vedteke å
satse vidare på kulturutveksling med ungdom i USA, frå venskapskommunen Vernon
Co., WI. . Byen Viroqua med ca. 4 500 innbyggarar er senteret i Vernon Co.
og næraste større by er La Crosse som ligg ca. 40 min. lenger vest ved elva Mississippi
i staten Wisconsin. Utvekslinga skjer ved at minst 2 ungdomar frå Luster reiser
til USA annakvart år. De søker innan 15. januar 2023. De er i
aldersgruppa 14-17 år på søknadstidspunktet. Sommaren 2023 tek de og familien
dykkar imot ein amerikansk ungdom i ca 14. dagar. I 2024 får de reise til den
amerikanske ungdomen og vere ein del av den familien.
Den norske familien tek vare på den amerikanske ungdomen som «ein av alle i
familien». Den amerikanske ungdomen skal få oppleve korleis det er å vere
ungdom i Noreg og Luster.
UK stiller gjerne opp for å snakke om og syne korleis ungdom i Luster får bidra
i saker som gjeld ungdom i kommunen.
Tilsvarande blir ungdomane frå Luster teken imot i USA neste sommar. Ungdomen
gjennomfører eit prosjektarbeid, som det er ynskjeleg blir vist fram her i Luster
når du er tilbake.
Kostnad:
Dei som får innvilga søknad om deltaking i kulturutveksling får dekke
inntil 35% av dokumenterte reiseutgifter i samband med si reise til
venskapskommunen. Maksimum løyving kr. 8000,- pr. deltakar.